PAGKA-PARK ng Van ni Prince sa Parking Lot ng MD Entertainment ay agad kaming bumaba. Hinarangan agad si Prince ng mga bodyguards niya na nakasunod sa amin kanina habang ako at si Ate Cass ay pumuwesto sa likod nito. Baka kasi dumugin na naman siya ng mga Reporters na nag-aantay sa paligid ng MD.
Dire-diretso lang kami sa paglalakad, ako naman sinasadya kong matakpan ng mga bodyguards para hindi ako makita. Mahirap na, ramdam ko kasi na hinahanap parin ako hanggang ngayon.
Nang makapasok kami sa loob ng MD ay nakahinga ako ng maluwag, pero saglit lang din dahil tumakbo ako palagpas kay Prince patungong elevator para pagbuksan siya. Ito kasi ang sabi niya, magalang kong pinaalis ang mga tao na sasakay sana sa elevator at hinawakan ang pinto nito para manatiling nakabukas habang inaantay
