NAPAHIGPIT ang pagkakahawak ni Jeany sa kamay ni Nicolo nang sumalubong sa kanila ang seryosong mukha ni Don Henry. Sandali lang itong tiningnan ang anak at kaagad na lumipad ang tingin sa kaniya.
"G-good evening po, Don Henry," kaagad niyang bati rito. Tumango lang ito bilang sagot. Napadikit tuloy siya sa nobyo dahil sa kaba.
"Hi, Dad! Are we late?" kaswal na bungad ni Nicolo sa ama.
Napapansin ni Jeany na laging cool kung makipag-usap ang nobyo niya sa ama. At isa iyon sa naisip niya na dahilan para masabi na talagang mabait si Don Henry. Kaya lang hindi niya mapigilan ang kabahan sa tuwing tumitingin ito sa kaniya na para bang hindi siya gusto para sa anak.
"Yes, you are five minutes late. Pasalamat ka at anak kita. Dahil kung hindi, tinulugan ko na kayo," seryoso ang mukha na sa
