HINDI napigilan ni Nicolo ang sarili na mapangiti habang pinagmamasdan si Jeany na abala sa pagtitingin-tingin ng mga picture sa sala.
Masaya si Nicolo na sa wakas ay tinanggap na ito nang buo ng kaniyang ama pagkatapos niyang aminin ang totoo tungkol sa paghihiwalay nila ni Gwen. At ganoon din ang gagawin niya kapag nagkita sila ng kaniyang ina at kapatid. Para hindi isipin ng mga ito na si Jeany ang may kasalanan kung bakit na-annulled ang kasal nila ni Gwen. Hindi rin kaya ng konsensiya niya na habambuhay iyon na ilihim sa kaniyang pamilya. Tama na ang limang taon na panloloko niya sa mga ito. Gusto rin ipakita ni Nicolo kay Jeany na ito na ngayon ang priority niya, ang gusto niyang protektahan laban sa lahat; at hindi na si Gwen.
Alam ni Nicolo na posibleng makakatikim siya ng sermo
