Abalang naliligo ang tatlong lalaki sa ilalim ng matingkad na sinag ng araw. Nakaupo pasalampak si Lacim sa may gilid ng pool at nakababad sa maligamgam na tubig ang mga paa nito. Nakatukod ang dalawang kamay sa magkabilang gilid. Malayo ang nilalakbay ng kanyang magulong isipan. Ilang beses niyang ikinurap-kurap ang kanyang mga mata, tila nakita niya mula sa malayo ang mukha ng babaeng iniisip niya kanina pa.
“Hindi ba at si Ate Delia iyon, Julian?” maya-maya ay turo niyang tanong sa tatlong babae na naglalakad patungo sa gilid ng mansion, “Sinong kasama?”
“Oo,” sagot ni Julian na nilingon na rin ang itinuturo nito sa kanya, “Iyong kaibigan ng ipinapasok na kasambahay at iyong magiging kasambahay na.”
Marahang tumang-tango si Lacim sa kanya.
“Parang kilala ko iyong isa sa kanila, Dude
