Pagak na tumawa si Lacim sabay iling, ayaw niyang maging pabigat pa.
“May hiya pa naman ako sa katawan.” mayabang niyang turan.
“Sa lagay na iyan ay mayroon ka pang hiya?” pambubuska ni Mico na abala na sa kanyang hawak na cellphone, may ka-chat siya doon.
“Si Ycel ba iyan?” bahagyang silip ni Lacim sa madilim nitong screen, hindi niya iyon nakita nang mabilis na ilayo na nito iyon upang itago.
“Hindi ah,” mabilis na pagkakaila nito sa kanya, “Ibang babae ito, Dude.”
Malakas siyang humalakhak. Pinalo-palo ang kabigan sa isa nitong balikat.
“Alam kong si Ycel iyan, huwag mo ng ilihim pa.” muli siyang humalakhak.
“Pambihira naman Dude, hanggang ngayon ay nagagamitan pa rin kayo?” si Julian na nilingon na sila sa likuran, “Isusumbong na talaga kita kay Froylan.”
“Hindi nga sabi ito, s
