Hindi maiwasang hindi mahiya ni Aleigh sa mga kasama, lalo pa nang pumasok na sa loob ng kanilang quarter ang dalaga at maging paksa nila ang trabahong kanyang gagawin sa loob ng mansion. Marahan siyang napailing nang marinig niya ang mga salitang sinabi ni Guada sa mga kasama nilang naghihintay ng balita sa kanilang ginawang pag-uusap kanina ng matandang Donya na siyang amo nila.
“Hindi ko rin naman maintindihin ang Senyora Joy,” patuloy na paghuhugas ng kamay ni Guada habang kumukuha ito ng puting uniform na nakaplastic pa sa cabinet, “Ano bang size mo Aleigh?” lingon niya sa natitigilan na pa ‘ring dalaga.
“Small lang po ako, Ate Guada.” magalang niyang tugon dito na hindi magawang ibaling ang mukha sa mga kasamahan nilang iba na nasa loob pa rin ng silid.
Tumango lang sa kanya ang b
