Sa silid ng mga kasambahay ay maingay na nagkakagulo at gumagawa ng komosyon sina Abi, Matet, Abeth, Joy at Aleigh habang tinatanggal sa ecobag ang mga pinamili kuno ni Julian na para kay Aleigh. Ini-abot ni Julian iyon kanina sa dalaga pagkatapos nilang kumain ng hapunan ng kanyang Lola. Magaang nakasandal sa cabinet si Delia, natatawa sa reaction ng mga dalagang halatang lulong sa alindog ng kanilang binata pang Senyorito. Isama pa ang pakiki-usyuso ng mga ito sa mga gamit na para kay Aleigh.
“Hindi ba at nasa sachet lang naman ang mga shampoo natin, Ate Delia?” si Abeth na itinaas pa ang malaking bote na lalagyan ng pink dove, “At saka palmolive lang iyon o hindi kaya ay sunsilk, bakit kay Aleigh dove at may pa-conditioner pang malaki na sadyang kasama sa mga pinamili?”
“Oo nga Ate De
