Ilang araw pa ang lumipas nang maayos na ni Aleigh ang lahat, napapirmahan niya na rin ang huling contract ng buwang iyon sa nakausap niyang investor. Unti-unti siyang naghanda ng kanyang mga dadalhin sa probinsya. Ang plano niya ay ilang araw lang na tutulog sa kanilang lumang bahay upang makasama man lang niya ang kambal na kapatid, pagkatapos noon ay lilipat sila ni Aiza sa villa na kanyang palihim na binili upang hintayin ang kanyang panganganak. Iyon lamang ang tanging paraan na kanilang naisip ni Aiza para sa ikakatahimik nilang lahat. Pagkatapos niyang manganak ay bibilang lang siya ng ilang buwan, ibabalik sa dati ang kanyang katawan at babalik siya sa trabaho na parang walang nangyari. Iiwan niya kay Aiza ang bata at siya na ang bahala ditong mag-alaga, by that time ay kukuha siya
