Roxanne's POV
"Roxanne, where are you? Hindi ba sabi ko gusto kong ikaw ang sumalubong sa amin ngayon dito sa airport? Nasaan ka na ba ha, bakit hindi ka kasama nila lola?" ani ni Kuya Raniel na nasa kabilang linya.
"Kuya pasensya ka na, masama kasi ang pakiramdam ni Hanz, sa tingin ko tatrangkasuhin 'to kaya hindi ko maiwan, sabi n'ya sobrang sakit din daw ng lalamunan niya kaya hindi siya masyadong makapagsalita. Pasensya na talaga kuya ha, bukas na lang ako uuwi sa mansion. Babawi ako promise!" ani ko dito. Hindi talaga kasi ako makaalis, kanina pa kasi masama ang pakiramdam ni Hanz kaya hindi ko talaga basta pwedeng iwanan na lang.
"Ganoon ba? Sige magkita na lang tayo bukas, agahan mo at kanina pa hindi maipinta ang mukha ni Anton." ani niya na ikinatawa ko ng mahina.
"Bigay mo
