──●◎●──
"Haaaanz! Bumalik ka dito huwag mong gawin sa akin ito!" malakas na sigaw ni Roxanne habang hilam ang kaniyang mga mata sa luhang ayaw paampat at mabilis nitong hinahabol si Hanz na halos magkandadapa na siya dahil sa sobrang haba ng suot niyang gown.
"Friend tama na 'yan, maawa ka naman sa sarili mo!" malakas na sigaw naman ni Ariana sa kaniya habang hinahabol siya nito ngunit binale wala lamang siya ni Roxanne at patuloy lamang ito sa kaniyang pagtakbo at hindi pinapansin ang mga taong humahabol sa kaniya.
"Roxanne tama na 'yan!" ani sa kaniya ni Raniel at mahigpit nitong niyakap ang kapatid ng maabutan niya ito. Matinding pagkahabag ang nararamdaman ni Raniel sa bunsong kapatid at matinding galit naman para sa lalaking nanakit ng damdamin nito at umiwan dito sa altar.
"No! H
