“AY, salamat naman Ma’am at natapos din kayo. Kanina pa kami niraratratan ni Mr. Medrano. Ang babagal daw namin,” pahayag ni Rhienn. Agad nitong nilapitan si Britney at inakay. Pinaupo niya ito sa single sofa na kaharap sa full length mirror.
“Ano bang gagawin n’yo sa akin?” naiiritang tanong ng dalaga. Sinimulan na rin siyang lagyan ng make-up ni Rhienn. Habang si Rose bino-blower ang kanyang buhok at si Leny naman pinapahiran ng lotion ang kanyang binti.
“Utos sa amin ni Mr. Medrano, pagandahin ka raw namin. Kasi isasabak ka raw niya mamaya sa boxing,” natatawang sagot ni Rhienn.
Tumaas ang kilay ni Britney sa sinabi ni Rhienn. Sumimangot din siya at gustong-gusto na niyang kutusan si Rhienn. Dahil sa pang-aalaska nito sa kanya.
“Ikaw kaya isabak ko sa boxing ha? Kapag ako napiko
