"Huwag ka na kasing pumalag pa Bally. Saka wala ka na rin naman magagawa dahil may nakabili na sa 'yo!" malakas na bulalas ng isang lalaki.
Alam kong papalapit na sila rito, kaya naghanda ako sa ano mang pag-ataki nila sa akin. Mayamaya pa'y nakita ko nga ang tatlong lalaki at kung hindi ako nagkakamali ay isa na roon si Jude Lucero.
Napatigil pa nga ang mga ito nang makita ako. "Sino ka?!" pasigaw na tanong ni Jude Lucero sa akin.
"Sir, baka nakakalimutan mo na Hotel ang gusaling ito? Kaya huwag ka nang magtaka kung may mga tao ka na makita o makakasalubong sa hagdan," nakataas ang kilay na saad ko.
"Bakit dito ka dumaan sa hagdan? Saka bakit may takip ang mukha mo?!" sigaw na tanong ulit nito sa akin.
Bigla akong napatawa ng malakas. Ramdam ko kasi ang kaba sa dibdib nito ganoon din
