Nakadungaw siya sa bintana ng sinasakyang bus pauwi sa probinsya. Sobrang excited na siyang makauwi, hindi naman masyadong malaki ang handa nila kapag pista pero nakasanayan na nila ang maghanda kahit na simple lamang. Hindi naman sila mayaman para gumastos ng malaki. Ang mga magulang niya ay may alagang inahing baboy na kapag manganganak ay may pangbenta at may pangkatay na rin para sa kanilang pista. Simpleng handa lamang naman pero para sa kanila ay sapat na iyon basta't ang importante ay napapasalamatan nila ang maykapal sa kahit na kaunting biyayang natanggap nila sa buong taon.
Kaninang umaga ay maaga siyang umalis sa mansion. Ni hindi na nga siya nakapagpaalam kay Uncle Jade dahil natutulog pa ito. Panay ang inom nito kagabi pa kaya hindi na niya inabala pa ang lalake. Isa pa, wal
