Kinabukasan alas cinco pa lamang ng umaga ay bumaba na siya upang maglaba ng mga damit niya sa likod ng mansion, naroon kasi ang laundry area ng mansion. Maaga siya dahil mamaya ay may pasok pa siya at sa ganitong araw ay wala siyang kakumpetensya sa paglalaba. Ang mga kasamahan niya sa mansion ay tuwing biyernes maglaba kaya solong solo niya ang laundry area ngayon.
Washing machine lamang naman ang gamit niya kaya hindi na masyadong mabigat para sa kan'ya ang paglalaba. Hindi katulad sa probinsya na hindi pa uso ang mga washing machines.
Maikling cotton shorts na kulay puti at pulang spaghetti strap ang suot niya sa paglalaba. Gusto niya ay kumportable siya lalo na kapag nakaupo siya't nagbabanlaw na. May automatic machine naman sa mansion pero exclusive lamang iyon para sa mga may-ari
