Dalawang araw na mula ng makipagkita s'ya kay Harry at sabihin nito ang proposal nito sa kanya. Nasabi na rin n'ya sa Daddy n'ya ang bagay na 'yon dahil panay tanong nito sa kanya tungkol sa nais mangyari ni Harry.
Nahihimigan n'yang tila mas nais ng ama na pumayag na lang s'ya para patahimikan na sila ni Harry. Naiintindihan naman n'ya ang ama. Ayaw din ng ama na malagay sa alanganin ang pag upo nito bilang Mayor sa bayan nila.
"Nakausap muna ba ulit si Harry Leonardo?" Tanong ng ama sa kanya. Nang umagang sabay-sabay silang kumakain ng almusal.
"Hindi pa po Dad," sagot n'ya sa ama.
"Para saan pa Dad at kakausapin n'ya ang sira ulong 'yon?" Matalim na tanong ng Kuya Zandro n'ya na nakaupo sa tapat n'ya.
"Nangugulo pa rin kasi ang lalaking 'yan!' Matigas na sagot ng ama. Binaba nito
