[Christen Park]
NAMUMULA ang pisngi ko sa kilig matapos kong tanggapin ang bulaklak. Halos araw-araw yata akong nakatatanggap ng mga matatamis na salita at pink na rosas mula kay Mikko Jang. Nakatutuwang isipin na itinuloy niya ang panliligaw na ginawa niya noon sa akin.
Napansin ko na parang natensyon siya. Panay ang kamot niya sa ulo. Naisip ko na hindi kaya kailangan niyang mag-CR? Makikigamit ba siya ng CR sa bahay namin? Pu-pupu ba siya at nahihiya lang na sabihin iyon sa akin?
"May problema?" tanong ko. Sinalubong niya ang mata ko.
"What can I do?" Patuloy siya sa pagkamot sa ulo.
"What? Why?" Naguluhan ako kung ano ang nais niya.
"I wanted to kiss you."
Heto pa ang isa pang talent ni Mikko Jang, ang patigilin ang mundo ko sa paraang hindi na ako makahanap pa ng sasabihin.
