"Muntik nang matuyuan ng sabaw," natatawang reklamo ni Vivian habang kumakain na sila ng hapunan ni Ice. Tamang-tama na natapos na sila sa mainit nilang pagsasalo nang lumambot naman ang karne.
"Ang sabaw ng adobo?" patay-malisyang tanong sa kaniya ng binata. Makikita sa mukha nito ang pigil na tawa.
"'Yong sabaw ko." Inirapan niya ito. "Halos isang oras mo ba naman akong--" Sinadya ni Vivian na huwag nang ituloy ang sasabihin. Ngayon na humupa na ang init sa kaniyang katawan ay bigla na siyang tinablan ng hiya. Parang hindi na niya kayang kilalanin ang sarili niya kanina na nakipagsabayan sa kapusukan ni Ice.
Bigla ring uminit ang kaniyang mukha nang dumako ang tingin niya sa bote ng soy sauce na wala nang laman. Inubos kasi iyon buhos ni Ice sa katawan niya kanina. Pagkatapos siya ni
