Sa isang iglap lang, pakiramdam ni Vivian ay noong nakaraang araw lang nangyari ang natuklasan niyang panloloko sa kaniya ni Ice at ang pananakit nito sa damdamin niya. Lahat ng sakit na inakala ng dalaga na matagal na niyang nakalimutan ay nanumbalik sa simpleng pagtitig lang sa kaniya ng binata. Kasabay niyon ay ang panunumbalik din ng kaniyang alaala bago sila naghiwalay noon...
Nang pumayag si Vivian sa inaalok ni Stephen ay hindi na siya bumalik pa sa cabin na tinutuluyan nilang dalawa ni Ice. Kahit nahihirapan mang mag-commute ay nauna nang umuwi ang dalaga, hindi sa apartment nito kundi sa bahay niya. Magdamag na pinatay din niya ang kaniyang cellphone para hindi siya matawagan nito.
Kahit gustong-gusto man ni Vivian na pigilan ang sarili na huwag iyakan ang natuklasan niyang pan
