Pagkatapos mag-almusal nina Vivian at Ice ay lumabas na sila ng cabin para mamasyal. Halos lahat ng magagandang pasyalan sa lugar na iyon, lalong na ang romantic places ay pinuntahan nila. Pareho silang game na game sa bawat pinupuntahan nila. Maliban na lang sa ice skating na biglang inayawan ni Ice.
"Bakit ba ayaw mo?" pangungulit dito ni Vivian. Hindi naman sa pagmamayabang pero magaling siyang mag-ice skating. Pero ngayon lang niya mararanasan ang mag-romantic ice skating. Hindi rin kasi iyon hilig ni Clinton noon.
"Basta ayoko lang," patuloy na tanggi ng binata at hinila ang kamay niya palayo sa rink. "Sa iba na lang tayo pumunta. Kung gusto mo sa Reindeer Farm na lang tayo pumunta," yakag nito sa kaniya.
"Ayoko." Suminangot si Vivian. "Gusto kong mag-skating. At kung gusto mo ta
