Hindi maganda ang pakiramdam ni Vivian noong araw na iyon kaya maaga siyang umuwi. Ang ipinagtataka niya ay wala na namang Ice na sumalubong sa kaniya sa paglabas niya sa shop. Dati-rati ay bigla-bigla na lang itong susulpot mula kung saan para salubungin siya kahit pa naka-disguise ito.
Pero these past few months, simula nang ikasal sila ay madalang na iyong mangyari. Oo, palihim siya nitong inihahatid mula sa paglabas niya sa bahay hanggang sa shop. Ngunit sa tuwina ay mga tauhan lang ni Kuya Hendrix ang napapansin ni Vivian na nakabantay sa kaniya. Kapag dumadating siya sa bahay, minsan ay wala naman si Ice. Ang sabi nito, may pinupuntahan daw na importante. Minsan pa nga ay inaabot ng gabi at umuuwi ng lasing. Alam niyang problemado ito pero hindi naman nagsasabi kahit anong pilit niy
