KINABUKASAN ay maaga kaming nagising para maghanda sa unang biyahe naming magkasama. Technically pangalawang biyahe na namin ito ngunit ang unang beses ay papuntang Pilipinas noong kasama namin si Pasquale.
“Since we’re travelling light, may dapat ba ‘kong dalhin aside sa pampasyal?” she asked me as she packed her things. Sa kwarto namin kami nag-aayos ng damit sa tig-isang backpack bag na pwedeng hand carry. Mas convenient kung wala na kaming check-in luggage. Nakaupo siya sa may carpet sa gilid ng kama habang ako ay nasa may closet kung saan kinukuha ang mga damit na inilalagay ko sa bag.
“Wala na. Uuwi pa naman tayo rito ulit bago tayo lumipad papuntang Thailand. Doon we may need to pack more clothes dahil two weeks tayo doon. One week sa Bangkok and one week sa Phuket.”
