“Hoo!” narinig kong sambit ni Sir Ugi nang makabalik na kami sa dive boat.
Muli ay tinulungan na naman ako ni Sir Nick para makaupo nang maayos.
“Thank you, Sir Nick,” sabi ko rito.
“You’re welcome po, Ma’am,” tugon naman nito sa akin.
Nakita ko namang tumingin si Sir Ugi nang masama kay Sir Nick kahit hindi ito nakatingin sa kanya.
Ano kayang problema niya? Hindi naman siya inaano nung tao, ang sama ng tingin niya, naisambit ko na lan tuloy sa aking isipan.
Pagkatapos no’n ay hindi na siya nagsalita pa at namansin hanggang sa makarating kami sa resort.
Ni hindi nga niya ako tinulungang makababa sa dive boat. Hinayaan niya lang na si Sir Nick muli ay tumulong sa akin para makababa.
“Thank you po ulit, Sir Nick,” muli ko na namang pasasalamat dito.
“You’re always welcome po, Ma’am,
