Nang makabalik na kami sa resort nila Ate Lacey ay mabilis naman na nagsibabaan ang mga kasambahay nila at tinulungan si Ate Lacey na magbaba at mag-akyat ng mga pinamili nito sa palengke kanina habang si Baby Orphie naman ay kinuha niya at kinarga pataas.
“Um, Krix, thank you sa pagsama ah,” sabi nito sa akin.
Tumango naman muna ako rito, “Wala po iyon, Ate,” wika ko naman dito.
Ngumiti naman siya sa akin.
“Ah nga pala, magpahinga ka na lang muna at alam kong wala ka pang pahinga. Hayaan mo na kami na mag-asikaso ng mga pinamili ko. Ipatatawag na lang kita kay Manang Tale kapag kakain na tayo. Gaya kasi nang sinabi mo kanina sa akin na wala ka pang pahinga, gusto ko magpahinga ka na muna dahil alam kong napagod ka rin sa paglalakad kanina.”
Umiling naman ako rito.
“Nako, hindi naman
