Aaminin ko, natuwa talaga ako sa pakulo na ito ni Sir Ugi. Hindi ko kasi talaga inaasahan ang ganitong gagawin niya.
Kanina kasi talaga ay grabe na ang pag-iisip ko kung may nagawa ba akong mali dahil bigla na lang talaga niya akong hindi pinansin. Tapos may ganito pala siyang pambawi.
Nakaka-touch lang talaga.
Marunong din pala siyang mang-surprise at magganito. Hindi ko talaga inaasahan.
“Oh, tama na iyan ah,” wika ni Ate Lacey sa amin kaya naman mabilis din kaming naghiwalay ni Sir Ugi sa pagkakayakap naming dalawa.
Nagtawanan pa kami pagkatapos dahil para kaming mga bata.
“Oh halina kayo rito at magtuhog na kayo ng hotdog and barbecue,” utos na sa amin ni Ate Lacey.
“Opo,” sagot ko naman dito.
Nagtungo na nga kami ni Sir Ugi sa may pwesto ni Ate Lacey kung saan ay nagtutuhog na
