CHAPTER 63
“Mga hayop kayo! Bitiwan ninyo ang asawa ko. Kate! Maawa ka sa kanya! Ako na lang ang pahirapan ninyo. Huwag ninyo siyang galawin. Hindi ba ninyo nakikita ang kalagayan niya? Buntis ang asawa ko at may inosenteng bata ang maapektuhan!” pilit kumawala si Ken ngunit anong laban niya sa lakas ng tatlong lalaki lalo pa’t mahina pa rin ang katawan niya. Kitang-kita ko kung paano siya pagtulungan na patigilan. Hindi ko kinakayang pagmasdan pa ang kanyang nakakaawang mukha. Hindi niya maigalaw ang paa at kamay dahil sa mga tama ng b***l. Tanging pagsigaw lang ang tangi niyang nagagawa ngunit banaag kong hindi niya ininda ang sakit ng kanyang katawan lalo na nang sinisikmuraan na siya ng mga tauhan ni Kate dahil ayaw niyang paawat. Nandiyang suntukin siya sa mukha, dagukan para lang tu
