CHAPTER 29
Inilayo ko ang labi ko sa labi niya. Gusto kong makasiguro. Gusto kong marinig mula sa kanya kung ano na ba ito? Kung ang turing na ba niya sa akin ay asawa o mananatiling parang katulong o bayaran lang. Tinignan ko siya sa kanyang mga mata kasabay ng pagsabi ko sa kung ano ang tunay na nararamdaman ko sa kaniya.
"Mahal na mahal kita, Ken. Sana hayaan mong iparamdam ko sa iyo at sana maramdaman ko rin na mahal mo rin ako bilang asawa mo."
Tumitig siya sa akin. Para niyang pinapasok ang aking kaluluwa. Hindi mapakali ang kaniyang mga mata habang tinititigan ko siya. Para bang hindi niya kayang manindigan hanggang sa bumuntong-hininga siya.
“Bakit hindi mo ako masagot?”
“Ano bang tanong mo? Ano bang kailangan kong sagutin?”
"Hindi tanong. Sinabi kong wala kita kaya naghihin
