CHAPTER 28
Hindi ko alam kung anong nangyari. Basta ang alam ko lang, naging maalaga ako sa kanya. Ang alam ko lang ay ipinaramdam kong mahal ko siya kahit hindi ko man hayagang sinasabi.Mas tinutukan kong iparamdam na naroon ako lagi. Hindi man niya ako napapansin, hindi man ako ang laman ng kanyang puso, hindi man ako umaasa na mahalin niya rin ako, ang mahalaga ay nagagawa kong iparamdam sa kanya kung paano ako magsilbi at magmahal. Nang umagang iyon, kakaiba ang nangyari sa pagitan namin. Hindi ko alam kung anong ibig sabihin ng pagtitimpla niya sa akin ng kape ngunit masaya ako. Sa tatlong buwan na magkasama kami, ang umagang iyon na ang pinakaespesyal sa akin.
"Maglalaba muna ako ng mga damit natin pagkatapos kong iligpit itong pinagkainan natin," sabi ko sa kanya nang matapos kam
