CHAPTER 151
Pinaayusan ako ni Ken bago kami magpakasal. Nakita kong lumapit si Ken kina Nanang at Tatang at yumakap si Ken sa kanila. Lalo kong nagustuhan at minahal ang Ken na nakikita ko ngayon. Ang pagtanggap niya bilang bahagi ng kanyang pamilya ang aking mga magulang ay isang pagbabago na hindi ko inaasahan sa kanya. Mabuting tao ang asawa ko. Lumaki lang siya sa maling pamilya. Napasukan lang ng masamang impluwensiya ang kanyang kabataan. Hindi ko mapigilan ang di maluha sa nakita kong ginawa ni Ken. Daman-dama ko kung gaano rin siya kamahal ng aking pamilya dahil sa mga ipinakikita niyang pagbabago.
Hanggang sa nagmartsa na kami nina Nanang at Tatang palapit sa mahal kong naghihintay sa akin. Nakatitig siya sa aking may luha ang kanyang mga mata sa sobrang kasiyahan. Nagsimula na
