CHAPTER 22
Gusto kong maramdaman na totoo ang halik niya sa akin, na ako ang iniisip niya nang sandaling iyon at hindi si Kate. Gusto kong maniwala na totoong gusto niya akong pakasalan dahil alam ko, kahit wala siya sa kanyang sarili dahil sa kalasingan, totoo ang seremonya. Totoo ang aming kasal lalo na nang nagpipirmahan na kami sa papel na magpapatunay na kami ay opisyal nang mag-asawa.
Nang nagkakainan na ang mga bisita habang kinuha niya ang kamay ko para kasayaw ay nag-aalangan pa rin ako. Ang lahat ay parang panaginip lang. Na ang lahat ay isang malaking kalokohan. Nang hawakan na niya ang kamay ko at baywang ay tumitig siya sa aking nakangiti. Hanggang sa bigla na lang bumulwak ang suka niya sa aking dibdib. Sapol ang buong damit ko sa dami nang kanyang isinuka. May mga lumapit
