CHAPTER 69
“Kahit anong mangyari, hayaan mong ako ang sasalo sa bala niya. Ako ang dapat mamatay,” bulong ko kay Joyce. “Hindi ko gustong magbuwis ka ng buhay ng dahil lang sa akin. Pagod na ako Joyce. Hindi na ako tatagal dahil sa aking mga sugat. Hindi ko na kaya pang hayaan kang ibuwis ang buhay mo sa akin. Marami nang nasaktan. Marami nang nadamay “
“Hindi! Tinanggap ko ito kay Sir Ken. Sumumpa ako sa kanya. Kaya kong mamatay para sa’yo. Kilala kaming mga tiga-Basilan na kayang mag-buwis ng buhay para sa aming sumpa. Kaming mga Muslim ay handang mag-alay ng buhay kung iyon ang kagustuhan ni Allah. Mahalaga sa akin ang pagbitaw ko ng pangako at tutupdin ko iyon kahit pa gaano kahirap. Ngunit para hindi masayang ang buhay ko, mangako kang kapag may pagkakataon ka pa, tumakas ka at pagb
