CHAPTER 68
Kaya lang may isang lalaking humila sa aking paa. Nakita ko ang lasing lang kaninang si Chito. Hanggang sa may isa pang humila sa isang paa ko. Dalawa na silang humila pababa sa akin.
“Hindi mo ka matatakas, Nadia! Hindi pa ako nagsasawa sa’yo. Ngayong nakapanganak ka na! Papatayin kita sa sarap!!” humahalakhak na sinabi ni Chito. Dahil halos maglambitin na siya sa aking mga paa ay bumagsak ako ngunit mas inintindi kong hindi mahulog si Nadine. Hindi ko hahayaang masaktan ang anak ko. Tumama ang katawan ko sa nakausling kahoy kaya ramdam ko ang pagbaon nito sa aking tagiliran. Napasigaw ako sa sakit. Sumirit ang dugo. Agad kong hinugot ang katawan ko sa nakasaksak sa aking nakausling kahoy. Ramdam ko ang pagsama pa ng ilang laman sa kahoy na iyon. Pilit akong tumayo karga ang
