Chapter 32
Daniel POV
HINDI ko agad makuhang sumagot sa sagot niya. Muli ko siyang tinalikuran at dinampot ang sigarilyo na nasa ibabaw ng mesa at nagsindi.
Hindi ko alam kung paano ko, uumpisahang ipaliwanag ang sarili ko sa kanya na maiintindihan niya ako. May malalim akong dahilan kung bakit nasasaktan ko siya.
"P'wede bang 'wag na tayong magtalo, Zoey?" pakikiusap ko nasa tinig ko ang pagsusumamo.
Hindi siya agad nagsalita, tinitigan lang ako at ang hawak kong sigarilyo. "Ano ang plano mo sa akin? Kailangan kong maka–alis dito, hindi ako p'wedeng magtagal," napansin ko ang pagngiwi niya at pagtakip sa kanyang ilong. "Ilayo mo sa akin ang usok ng sigarilyo," reklamo niya. "Kailan ka pa natutong magyosi?"
Inabot ko ang asthray at dinutdot ang sigarilyo hanggang mamatay ito. "Mataga
