"Kasalukuyan tinutupok ng apoy ngayon ang mansion ng sikat na negosyanteng si Tauren Suarez. Base sa paunang report, hindi nakalabas ang matanda. Habang ang anak nito na si Troven Suarez ay tinangka umanong iligtas ang ama, ngunit hanggang ngayon ay hindi pa rin ito nakalabas." Matuling tumatakbo ang sasakyan. Sa kasagsagan nang sunog kanina ay tumakas ako habang nagkakagulo ang lahat.
Mabuti na lang din talaga at nakuha kong sirain ang lock ng pinto. Kung 'di ay kasama rin akong natusta sa mansion na iyon. Hindi ko pa alam kung saan ako pupunta, pero alam kong ito na ang araw nang pagbagsak ng pamilya Suarez, at wala akong balak sumama sa pagbagsak nilang iyon.
Gumawi sa backseat ang tingin ko. May maleta akong napansin doon. Maleta iyon ng asawa ko.
"Kung hindi nangyari ang sunog..
