"Kaylara, tignan mo itong ate mo. Napaka-prim and proper. Gayahin mo kaya siya, anak." Naglalambing na ani ni mama kay Kayla na nakasalampak sa couch at busy sa librong binabasa n'ya. "Gusto mo bang magsimba rin, para naman makalabas-labas ka ng bahay? Saka anak, gusto mo rin bang mag-shopping. Ang dami-dami nating pera, pero parang kinakapos ka sa mga damit na isinusuot mo."
"Ayaw." Tipid na sagot ng kapatid ko.
"Ma, hayaan n'yo na si Kaylara. Bagay naman po ang mga isinusuot n'ya." Tumabi ako sa kapatid ko at sumiksik dito. Yumakap pa nga, halata namang ayaw n'ya. Pero dahil naglalambing ako, wala siyang nagawa.
"Kasi naman masyadong maiiksi. Parang laging kinakapos sa tela. Yes, sexy at bagay. Pero anak, hindi ka kaya kabagan labas pa ang tiyan?" Pareho kaming natawa ni Kaylara sa ta
