Sa harap pa mismo ni Troven Suarez inangkin ng kanyang ama, ang asawa n'ya. Disgusting. Parang normal lang sa kanila. Kinikilabutan ako. Parang gusto ko pa ngang masuka.
Kawawa si Dexus sa pamilyang ito. Nahagip pa ng tingin ko ang bata sa kwarto nito na pupungas-pungas. Halatang naalimpungatan. Bumangon at lumabas ng kwarto.
Nang ma-realize ko kung saan ito patungo, agad akong napatayo. Pero mas mabilis si Aaron na tiyak kong nasa CCTV rin ang focus. Kita ko pa ang mabilis nitong pagtakbo para lang mapigilan si Dexus sa pagpunta sa library.
Halatang antok pa ang bata, dahil walang reklamo nang hawakan ni Aaron sa kamay at iginiya pabalik ng silid.
Pinahiga sa kama, kinumutan. Saka hinintay na makatulog ulit.
Nang tulog na ang bata ay lumabas na si Aaron. Bumalik sa pwesto nito.
