Ginabi na kami sa mansion ng mga Salazar. Dahil may mga taong dumating para tumulong sa paghahanap kay Ganda. Tao rin naman ni Darrius Salazar. Magpapanggap lang naman silang maghahanap, bibigyan ng kaunting pag-asa iyong pamilya ni Ganda. Tapos kung wala, move on, move on na lang.
Babayaran na lang daw kami, basta tutulong kami sa paghahanda ng pagkain ng mga taong maghahanap.
"Anong balita?" natanggap kong mensahe iyon mula kay Hunter. Ibig sabihin ay naroon ito sa bukana ng barrio.
"Maghahanap sila. Pero tiyak na wala rin silang mahahanap. Nakita ko ang mga marka ni Dalvin at Dano. Mga kalmot iyon, Hunter. Sa tingin ko'y may kinalaman sila." Pagka-send ko'y binura ko rin agad.
Tumipa akong muli.
"Pati iyong mga itinumba natin kagabi'y hindi rin kumalat ang tungkol sa kanila. M
