"Mommy!"
Hustong kabababa lang ni Rose ng sasakyan nang marinig ang maliit at matinis na boses ng batang babae.
It's Raven, her five year old adorable daughter.
Tumakbo ang bata palapit sa kanya upang salubungin siya. Cute na cute ito sa suot na maong jumpsuit na may character pa ni Dora. May kabilugan ang pangangatawan ng anak niya na nagpapakitang malusog itong bata.
Awtomatikong lumabas ang cute dimples nito sa mabilog at mamula-mulang pisngi. Naka-pigtail ang may kahabaan nitong buhok na may mga maliliit pang ipit na ibat-iba ang mga kulay.
Sa likod ni Raven ay nakasunod ang tagapag-alaga nito na si Carol.
Tumatagaktak ang pawis sa noo ng yaya habang hawak sa kamay ang kulay rosas na tuwalya. Paliliguan na siguro nito ang anak subalit mukhang nangulit na naman ang alaga.
Napapa
