Naupo si Rose sa gilid ng kama.
Hinawakan ang medyo yayat ng kamay ng matanda at dinala sa pisngi niya upang damhin. Naramdaman niya ang panginginig ng mga palad nito.
"Hmmm...ano iyong nabalitaan kong kumain ka na naman daw ng bawal sa'yo?" Lambing na bungad niya sa Don. "At pinagod mo pa ang iyong sarili sa pakikipaglaro sa anak mo? Manolo..."
Ngumiti ang Don. Inawat si Rose sa pagsasalita. Binawi nito ang mga kamay mula sa babae, kinuha ang mga kamay ng dalaga at ikinulong sa kanyang mga palad. Tinitigan nito si Rose ng diretso sa mga mata.
Naroon ang pagmamahal, kagalakan at pasasalamat.
"Rose, hija, nasa dapit-hapon na ako ng buhay. Quota na kumbaga. Ang konting bawal ay hindi na makasasama sa katawan ko," bungad ni Manolo.
"Alam kong konting panahon na lamang ang ilalagi ko sa
