CHARMAINE
Katulad naman ng inaasahan ko ay hindi naman kami iniwanan ni Jayden dahil pagkarating ni Caleb sa dulo nitong hallway sa baba ay naroon si Jayden na nakasandal lang sa pader habang magkakrus ang kanyang braso, mukhang kanina pa niya kami inaabangang makarating doon. “Kanina ka pa ba riyan?” tanong ko sa kanya pero umiling lang siya at tinalikuran na rin niya kami kaagad, kasi nagpatuloy na siya sa kanyang paglalakad. Isang diretsong lakad na lang naman ay makakarating na rin kaming tatlo sa clinic. Tila ba’y wala sa kondisyon si Jayden na makipag-usap sa akin pagkatapos nung nangyari kanina, hindi ko alam kung ako ba talaga ang dapat niyang iwasan kung ako naman na itong nasaktan. Hindi ko naman ginantihan ‘yung si Athena tapos ganito pa rin pala ang kalalabasan. Hindi na nga a
