CHARMAINE
Hindi pa rin mawala ang gulat sa loob-loob ko kaya hanggang sa ngayon ay nananatiling nakatutok ang mga mata ko sa poster, na kung saan ay kasunod ko lang pala si Caleb sa ranking. “Imposible,” bulong ko sa aking sarili. Napasulyap sa akin si Yvonne kaya tinikom ko kaagad ang bibig ko at baka kung ano pa ang isipin niya. Wala naman problema sa akin kung sinuman ang makarating sa ilalim ng ranggo ko. Sadyang 'di ko lang din expected na matalino rin pala si Caleb at wala pa sa tatlong puntos ang pinagkaiba ng aming overall grades.
"Thank you for pointing that out, David," sabi ni ma'am Ariela na siyang bumasag sa tumatakbo sa aking isipan, kaya nag-focus na lang ako muli sa kanya. "Let's also give a round of applause for Caleb Rhys, who managed to steal the second spot!" Nanguna
