CHARMAINE
“Paano kayo nauwi sa hiwalayan ni Athena?” sunod na tanong ko kay Jayden dahil nanahimik na siya.
Ilang segundo ang pinalipas ni Jayden bago siya nagpatuloy sa kanyang pagkukwento. “Akala ko ba naaalala mo na? Magkakasama tayong tatlo nung araw na hiniwalayan niya ako,” paunang sagot sa akin ni Jayden na siyang ikinataas ng isa kong kilay. Wala akong maalalang may nangyaring hiwalayan nung araw na ‘yun dahil sobrang saya pa nilang dalawa habang pinapanood ko silang mag-bonding. “Siguro nga eh sobrang sakit lang ng epekto sa akin nung nangyari kaya halos hindi ko na maalala ang pagkakakilanlan ni Athena. Tapos no’ng nakita mo kong nasasaktan ay nasaktan ka na rin kaya siguro kinalimutan mo na lang din si Athena. Pero, hula ko lang naman ang mga iyon, hindi naman totoo kaya ‘wag
