CHARMAINE
Nakalipas na ang hindi ko alam kung ilang minuto pero narito pa rin kami ni Jayden sa kabilang building. Tiningnan ko na rin ang cellphone ko para makita kung anong oras na ba at doon ko lang napagtantong halos bente minutos na lang ang natitira, bago magsimula ang susunod naming klase sa Filipino kay Ma'am Amelia. Pinatunog ko ang mga buto ko sa daliri at pagkatapos niyon ay napahawak na lang ako sa batok ko. Nawawalan na ako ng gana maghintay pa sa nais gawin o sabihin ni Jayden sa babaeng 'yun, wala namang mangyayari kung mananatili lang kaming dalawa rito. Sinadya kong 'wag gawan ng ingay ang sapatos ko habang naglalakad ako paalis sa kinaroroonan namin ni Jayden sa area ng mga locker, baka kasi pigilan niya akong umalis sa harapan niya kapag narinig niya ang pagtapak ko. Su
