CHARMAINE
Nanatiling tahimik si Athena pagkatapos ng sinabi niyang iyon. Ni hindi man lang niya ibinulgar sa aming dalawa ni Jayden kung tungkol saan ang tinutukoy niyang napagtanto niya patungkol sa pagkilos ko or whatsoever. Kaya, napag-isipan ko na lang na tapusin basahin kung ano pa ang mga nakasulat sa notes niya tungkol kay Jayden para na rin malaman ko at hindi ako kumilos base lang sa kung ano ang kakaunting nalalaman ko sa kanilang dalawa. Maski naman si Jayden ay hindi alam ‘yung mga nilalaman nito kaya wala rin siyang ideya na ganito na pala ang ginagawa ni Athena sa kanya. “Hindi katulad kay Yve, alam ng mga kaibigan kong naging karelasyon ko si Jayden. Sa katunayan pa nga niyan ay si Jayden lang ang sinabi ko sa kanila dahil wala naman akong pakialam kung agawin nila si Jayde
