Humigpit ang pagkakayukom ng kamao ni Sasha nang wala siyang narinig na tugon mula sa mga ito nang tanungin niya ang kondisyon ng anak. Mabilis na binalot ng matinding takot ang puso niya habang iniisip kung ano ang maaring nangyari nang mga panahong nawalan siya ng malay bago napunta sa hospital bed na kinaroroonan ngayon.
"Please, sabihin niyo po sa akin kung anong nangyari sa baby ko?" emosyonal nitong tanong habang nanginginig ang mga kamay.
Tahimik siyang tumitig sa mga ito habang nangingilid ang luha sa kaniyang mga mata. Natatakot siyang magtanong ulit at baka bigla na lang gumuho ang mundo niya sa maririnig na sagot.
Walang ina ang nanaising mawalan ng anak lalo na sa paraang pinagdaanan niya. Hindi kayang ipaliwanag ng mga salita ang sakit na maari niyang maramdaman kung sakali
