NASABUNUTAN ko ang buhok ko habang nakatitig ako sa papeles na nagkalat sa study table sa may library. May pinadala sa akin ang secretary ni Papa. Kailangan daw na pag-aralan ko iyon at saka pirmahan. Hindi naman masyadong urgent pero kailangan ko pa iyon na pag-aralan.
Sa totoo lang ay kanina pa ako nakatitig sa mga papeles. Halos mag-iisang oras na nga. Hindi ko kasi alam ang gagawin ko, hindi ko alam kung paano mag-uumpisa. Ayokong pirmahan ang mga papeles hanggang sa hindi ako sigurado kung tama ba ang ginawa ko o hindi.
Nagpakawala ako ng malalim na buntong-hininga. Pagkatapos ay sinabunutan ko ng marahan ang buhok ko. Nasa ganoon akong posisyon ng tumunog ang ringtone ng cellphone ko.
Umayos naman ako mula sa pagkakaupo ko sa swivel chair. Pagkatapos ay kinuha ko ang cellphone
