MACY COLLIEN
May maingay akong naririnig kaya nagpanggap ako na tulog pa rin. Natatakot akong idilat ang mata ko.
“Ito na nga ba ang sinasabi ko! Napaka-pasaway mo, sa edad mong ‘yan dapat nagpapakatino ka na.” narinig ko na sabi nang sa tingin ko ay mommy ni asukal de papa.
“Mom, ang ingay mo. Baka magising si Macy,” saway sa kanya ni asukal de papa ko.
“Bakit ba kasi siya nahimatay?”
“Natakot po yata sa inyo.” natatawa na sagot ni Michael.
“Mukha ba akong nakakatako—”
“Hindi po, sorry po.” bigla na lang akong bumangon.
“Susmaryosep, aatakin ako sa puso sa batang ito.” nakita ko na nakahawak sa dibdib niya ang mommy ni Michael.
“Sorry po, Madam.” nahihiya na sabi ko sa kanya.
“Para saan ka nagsosorry? Dahil ginulat mo ako o dahil sa nabuntis ka ng anak ko?” seryoso na tanong niy
