PAKIRAMDAM ko ay nakalaya ako sa isang masikip na kulungan dahil sa pagpayag ni Ralph na bumalik ako ng Italy para roon na lang ipagpatuloy ang pag-aaral ko. Talagang hinatid niya pa ako sa Florence, Italy. Yes, hindi na sa Rome kundi sa Florence na, dahil ayaw niya akong pabalikin sa dati kong pinasukan na university, ewan ko kung bakit, pero tingin ko ay pinagdududahan niya na naroon ang ex-boyfriend ko. Kaya naman sa University of Florence na lang ang napili kong university. Binilhan niya rin ako ng bahay para may matirahan ako. Kaya lang 'yung mayodorma sa kanyang mansyon ay pinasama niya sa akin para raw may kasama ako, pero may mga ibang katulong pa rin siyang kinuha sa kanyang biniling mansyon sa Rome. At kinuha rin niya ako ng isang driver na maghahatid sundo sa akin sa university.
