Isang malalim na buntong hininga ang kumawala sa akin habang nakatayo rito sa balcony at nakatanaw lang sa malayo. Kahit papaano ay gumaan ang pakiramdam ko habang nakatanaw sa mga ilaw bawat building at mga dumadaan na sasakyan sa highway. Ang sarap pagmasdan, nakakabawas ng stress.
Natauhan lang ako mula sa aking pagtanaw sa malayo nang may mahinang tumikhim, nang mapatingin ako kung sino ay medyo nagulat pa ako nang makitang nakatayo na pala si Ralph sa tabi ko nang hindi ko namamalayan.
“T-Tapos ka na nagluto?” tanong na kumawala sa bibig ko.
“I'm done. Nagutom ka na?” he asked back and looked at me.
Mahina akong bumuntong hininga at muling binalik ang tingin sa malayo. “Hindi pa naman, tsaka masyado pang maaga para mag-dinner.”
Namayani ang katahimikan sa amin dalawa. Hanggang s
