Khylle's Pov:
Napatingin ako sa mga detective. Kanina pa sila tahimik. Nakuha na rin nila ang lahat ng listening device na nakita nila rito sa buong silid. Nasa anim ang bilang ng mga iyon at hanggang ngayon ay hindi ko pa din mapaniwalaan kung paano nailusot ang mga iyon dito sa department.
"Magsisimula na ba tayo?" Sumulyap sa akin si Nick. "Sigurado ka bang okay ka na, Miss Madrigal?"
Kiming ngumiti ako. "Maayos na ako, isa pa ay mababaw lang naman ang nakuha kong sugat. Kailangan na din nating ituloy ang pag-uusap tungkol sa kasong ito," sabi ko at tiningnan ang folder na naglalaman ng kaso ni Roxanne.
"Alright, magsimula na tayo," wika ni Detective Joseff. Tila walang anuman na kinuha n'ya ang folder at humarap sa amin. "Ituloy na natin ang pinag-uusapan natin kanina. Saan ba tayo
