Khylle's Pov:
Napapangiwi ako habang tinitiis ang kirot ng ilang hiwa sa daliri ko sa tuwing dumadampi doon ang bulak na hawak ni Detective Joseff. Kung kanina ay alcohol ang inilagay n'ya sa bulak, ngayon naman ay betadine na. Hindi naman ganoon kasakit ang betadine pero hindi ko alam kung bakit gusto kong maiyak.
Wala ding kaso sa akin ang mga tumalong daga. Napatili ako dahil sa gulat pero hindi naman ako natakot sa mga daga. Ang hindi ko talaga kayang tingnan ay ang pagdurugo ng dalawang daliri ko na nahiwa ng mga blade. Takot ako sa dugo kaya hinayaan ko na lang si Detective Joseff nang hilahin n'ya ako at paupuin para linisin ang mga sugat na nakuha ko.
Nakabalik na sa lobby si Officer Sai, nagawa din s'yang makumbinsi nina Nathan na ilihim ang nangyari. Napaniwala nila ang office
